Isco do ta vazhdojë karrierën në elitën e futbollit gjerman, Bundesligë.
“Sky Germany” ka raportuar se Union Berlini ka arritur marrëveshje me mesfushorin spanjoll, shkruan Gazet Express.
Isco thuhet se është pajtuar me kushtet e ofruara, me një kontratë të vlefshme deri në verën e vitit 2024.
Në marrëveshje thuhet se do të përfshihet edhe opsioni për vazhdimin e kontratës edhe për një vit më shumë.
Mediumi gjerman gjithashtu ka raportuar se 30-vjeçari do t’u nënshtrohet testeve mjekësore të martën.
Isco do t’i bashkohet Union Berlinit si futbollist i lirë. Ai së fundi ishte pjesë e Sevillas, klub me të cilin shkëputi kontratën në dhjetor të vitit të kaluar.
