Një ngjarje e rëndë ka ndodhur mëngjesin e sotëm në Prishtinë, ku një person është gjetur pa shenja jete në gjimnazin e shkencave shoqërore ‘Ahmet Gashi’ në Prishtinë.
Burimet brenda Emergjencës kanë bërë me dije se kanë pranuar thirrje për ndihmë, pasi një person ndodhej pa ndjenja në objektin e shkollës dhe dyshohet se është në rrezik për jetën.
Në vendin e ngjarjes kanë dalë ekipi mjekësor, ku pas ekzaminimeve për shenjat vitale në trupin e viktimës, mjeku ka konstatuar se ai ka ndërruar jetë. Sinjali mëson se në trupin e viktimës nuk janë vërejtur shenja dhune, mirëpo ende nuk dihet shkaku i vdekjes.
Lidhur me rastin është njoftuar edhe Policia e Kosovës të cilët kanë dalë në vendin e ngjarjes për të kryer ekzaminimet e nevojshme që ndihmojnë në zbardhjen e rrethanave të rastit.
Telenews.al do të iu mbajë të informuar.