Në Ditët Shtetërore të Serbisë, Presidenti serb, Aleksandër Vuciq, ka ndarë çmime për personalitet e vlerësuara nga ai. Në mes të dekoruarve është edhe ish-Polici i Kosovës, Dejan Pantiq dhe tre përfaqësues të tjerë.
Petar Petkoviq, zyrtar serb që drejton një të ashtuquajtur “zyrë për Kosovën” në Qeverinë e Serbisë, ka thënë se katër dekorata i kanë marrë përfaqëues të serbëve në Kosovë.
“Jam vecanërisht i lumtur që katër dekorata shkuan për përfaqësuesit tanë nga Kosova”, ka shkruar Petkoviq.
Çmimet, siç njofton ai, i ka marrë Svetlana Steviq, menaxhere e “Kuzhinave Kombëtare në Kosovë”, Dejan Pantiq, polici i larguar nga Policia e Kosovës, dhe dy shkollat fillore “Vuk Karaxhiq” dhe “Miladin Mitiq”.
Sot në Kosovë është komentuar edhe dekorimi që Vuçiq ia bëri ish-emisarit special amerikan për dialogun Kosovë – Serbi, Richard Grenell.