Një person ka marrë lëndime trupore si pasojë e një aksidenti i cili ka ndodhur sot rreth orës 05:40 në mes të trenit dhe një veture në fshatin Zahaq të Pejës.
Lajmin e ka konfirmuar zëdhënësi i Policisë së Kosovës për rajonin e Pejës, Fadil Gashi.
Sipas tij, personi i lënduar është dërguar për tretman mjekësor në Spitalin e Pejës, e më pas në Qendrën Klinike Universitare të Kosovës (QKUK), për trajtim të mëtutjeshëm.