Dy persona janë arrestuar të martën në Rahovec, nën dyshimin se kanë keqpërdorur pozitën zyrtare dhe kanë falsifikuar para. Ka të bëjë me futjen në shërbim të postës së këtij qyteti të shtatë mijë eurove të falsifikuara.
Në njoftimin e Policisë thuhet se dyshohet se mbi 2500 euro janë shpërndarë te qytetarët që kanë kryer shërbime në këtë postë, e të cilët janë mashtruar me këto veprime të të dyshuarve.