Janë mbledhur mjetet për shërim për Lum Bajraktarin nga Peja, i cili është diagnostifikuar me Leukemi Akute.
Familjarët e tij e kanë dhënë lajmin për mbledhjen e mjeteve për shërim, duke bërë të ditur se Lumi është nisur për Turqi.
Njoftimi nga familjarët ku kërkonin ndihmën e qytetarëve u bë të martën në mbrëmje, dhe shuma prej 155 mijë eurosh u mblodh pa kaluar akoma 48 orë.
“Dua të iu informoj se paratë për Lumin tonë, janë grumbulluar. Shumë falënderime nga thellësia e zemrës për krejt familjartë, miqtë, dashamirtë, çdo shqiptar dhe çdo zemër të mirë, që na u bë krah në këto ditë të vështira për ne. Lumi po niset drejt Turqisë”, thuhet në njoftimin e një familjari të Lumit.