Policia e Kosovës ka dhënë detaje lidhur me rastin e 16 majit, ku u raportua për të shtëna në rrugën “Knjaz Millosh” në fshatin Uglarë.
Siç bën të ditur policia, të shtënat ishin të një arme me gaz dhe kanë ardhur nga një automjet në lëvizje dhe nuk kanë pasur për cak ndonjë individ apo objekt të caktuar.
“Informacionet e para si dhe shikimi i pamjeve të marra nga kamerat e sigurisë në perimetrin përreth, tregojnë se të shtënat kanë ardhur nga një automjet në lëvizje dhe nuk kanë pasur për cak ndonjë individ apo objekt të caktuar. Veprimet ekzaminuese të vendit të ngjarjes kanë rezultuar me gjetjen e dy gëzhojave që pas ekzaminimeve vijuese rezultojnë të jenë të armës me gaz“, thuhet në njoftim.
