Policia e Kosovës ka njoftuar se ka arrestuar dy persona në Pejë, pasi që pas një mosmarrëveshje kanë shtënë me armë zjarri.
Në njoftimin e bërë për media thuhet se, rasti ka ndodhur në rrugën “Mustaf Kelmendi”, rreth orës 15:50, dhe se nuk raportohet për të lënduar.
“Janë arrestuar dy të dyshuar meshkuj kosovarë pasi që të njëjtit pas një mosmarrëveshje njëri nga ta ka shtënë me armë zjarri në drejtim të dy viktimave meshkuj kosovarë. Në venin e ngjarjes është gjetur dhe konfiskuar një gëzhojë. Nuk raportohet për të lënduar”, thuhet në njoftim.
Sipas Policisë me vendim të prokurorit pas intervistimit dy të dyshuarit dërgohen në mbajtje.