Kryeministri Albin Kurti tashmë është kthyer në Kosovë, nga një vizitë disaditore në Turqi.
Gjatë qëndrimit të tij në Turqi, Kurti ka realizuar disa takime të njëpasnjëshme.
E së fundi ai tregoi se ka takuar edhe shkrimtarin e njohur, Orhan Pamuk i cili e kishte ftuar për darkë.
Pas kësaj ka reaguar ish-bashkëpunëtori i Kurtit, Haki Abazi, i cili vizitën e Kurtit në Turqi e lidhi edhe me deputetët e VV-së të cilët janë duke e kundërshtuar krijimin e Projektkodit civil.
“Po vizita në Stamboll në Javën e Krenarisë në Kosovë është përpjekja personale e krijimit të koalicionit për kodin civil dhe kapërcimi me dredhi i ndikimit për votat që duhen me ngulm. Tani Greqia nuk kryen punë- duhet kthyer antenën drejt Turqisë”, tha Abazi.
Madje sipas tij, as LGBTQI, as deputetët e përfaqësimit të besimtarëve mysliman nuk janë më naivët për të besuar përrallat e cirkut “të një palacoje që lulet e varrit i ka dëfrimin më të madh në karrierën e manipulimit komunist”.