Asociacioni i Gazetarëve të Kosovës, në një shkrim të postuar në Facebook kanë reaguar pas pezullimit të certifikatës së biznesit Klan Kosova, ku edhe janë shprehur mjaft të shqetësuar, shkruan Gazeta Online Telenews.al
Ata u shprehën se janë thellësisht të tronditur me njoftimin e Ministrisë së Industrisë, Ndërmarrësisë dhe Tregtisë ndaj mediumit privat Kosovar, Klan Kosovës, pasi që sipas tyre është vendim i paargumentuar, i pa specifikuar të bazës ligjore dhe pa paralajmërim.
AGK, veprimin e Qeverisë së kryeministrit, Albin Kurtit dhe po ashtu të Lëvizjes Vetëvendosje po e cilëson si të paprecedentë në historinë e re të Kosovës.
Ata poashtu kanë shprehur se janë mjaft të shqetësuar edhe për fatin e kolegëve gazetarë, kamermanë e punëtor tjerë të Klan Kosovës të cilët sipas tyre do të afektohen direkt negativisht nga ky vendim.
Tutje, ata do të jenë në kontakt me organizatat partnere ndërkombëtare për lirinë e medias, ku sipas tyre do të denoncojnë këtë akt të Qeverisë.\Telenews.al
Njoftimi i plotë i tyre: