Një aksident i rëndë trafiku ka ndodhur pas mesnate në fshatin Vodiç të Obiliqit, ku një i mitur ka pësuar lëndime të rënda trupore.
Ngjarja ka ndodhur më 9 prill 2026, rreth orës 00:20, ku sipas informacioneve është përfshirë vetëm një veturë e tipit VW Golf, ngjyrë e zezë.
Dyshohet se automjetin e drejtonte një i mitur, Xh.P rreth 17 vjeç, i cili ka pësuar lëndime të lehta, ndërsa pasagjeri i tij, gjithashtu i mitur R.P rreth 15 vjeç, ka mbetur i lënduar rëndë.
Si pasojë e aksidentit është dëmtuar edhe një rimorkio, ndërsa në vendin e ngjarjes kanë dalë njësitë përkatëse policore.