Një aksident rrugor është regjistruar gjatë orëve të mesnatës në qytetin e Korçës, ku një automjet ka dalë nga rruga dhe është përmbysur në mes të asfaltit.
Drejtuesi i mjetit, një i ri nga zona, ka humbur kontrollin e automjetit për arsye ende të paqarta. Ai ka pësuar vetëm lëndime të lehta dhe ka marrë menjëherë ndihmën mjekësore në vendngjarje.
Dyshohet se shoferi mund të ketë qenë nën ndikimin e alkoolit në momentin e aksidentit, megjithatë kjo ende nuk është konfirmuar zyrtarisht nga autoritetet.
Në vendin e ngjarjes kanë ndërhyrë shërbimet e Policisë Rrugore, të cilat kanë kryer matjet dhe procedurat e nevojshme për të zbardhur plotësisht shkaqet e aksidentit.
Autoritetet kanë bërë thirrje për kujdes të shtuar në drejtimin e automjeteve, veçanërisht gjatë orëve të vona të natës, kur rreziku për aksidente rrugore është më i lartë.