Një aksident trafiku ka ndodhur sonte në magjistralen Gjakovë–Prizren, ku janë përfshirë dy automjete.
Zëdhënësja e Policisë për Rajonin e Gjakovës, Vlera Krasniqi, ka konfirmuar për Sinjalin se Policia është njoftuar për aksidentin rreth orës 18:30.
Sipas saj, njësitet relevante kanë dalë në vendin e ngjarjes dhe kanë ndërmarrë veprimet e nevojshme.
“Deri më tani, dy persona kanë pranuar tretman mjekësor”, ka bërë të ditur Krasniqi.
Rasti është duke u trajtuar nga njësitet kompetente policore.