Aksionet e Teslas rriten ndjeshëm, Musk blen aksione me vlerë rreth 1 miliard dollarë

Aksionet e Teslas u rritën me më shumë se 5% pasi u zbulua se CEO Elon Musk bleu aksione me vlerë rreth 1 miliard dollarë.

Një dokument rregullator tregoi se Musk bëri 25 blerje të veçanta të premten e kaluar, duke arritur në total afërsisht 2.57 milionë aksione me çmime që varionin nga rreth 372 deri në 396 dollarë.

Me rritjen e sotme, aksionet e Teslas hynë në territor pozitiv për vitin 2025.

Lëvizja shihet nga investitorët si një angazhim i mëtejshëm i Musk ndaj Teslas, e cila ka pasur vështirësi këtë vit me rënien e kërkesës për automjete elektrike dhe reagimin ndaj punës së CEO-s me administratën Trump në uljen e shpenzimeve qeveritare.

Ndryshe, në fillim të këtij muaji, kompania propozoi një paketë page afatgjatë për Musk që mund të arrijë deri në 1 trilion dollarë në varësi të faktit nëse Tesla përmbush disa objektiva.