Ministrja në detyrë Tregtisë, Industrisë e Ndërmarrësisë, Rozeta Hajdari, po hesht pas ngritja së aktakuzës nga Prokuroria Speciale.
Kanë kaluar gati dy ditë që prokuroria ka dorëzuar në Gjykatën Themelore aktakuzën, e cila ka të bëj me skandalin e rezervave shtetërore, ajo nuk e ka thënë asnjë fjalë.
Ndonëse kishte premtuar që sapo ta pranonte dokumentin e plotë do të deklarohet për këtë çështje, Hajdare ende nuk e ka bërë një gjë të tillë.
“Sapo u njoftova nga avokati im, për dorëzimin e aktakuzës nga Prokuroria Speciale në Gjykatën Themelore në Prishtinë, lidhur me çështjen e kontraktimit të rezervave shtetërore, proces ky tepër i rëndësishëm për të gjithë ne. Sapo ta kem pranuar të plotë dokumentin e aktakuzës do të deklarohem më gjerësisht për media. Unë ndihem krenare për punën që kam bërë si ministre e Industrisë, Ndërmarrësisë dhe Tregtisë, në kohën më të vështirë – sigurimin e rezervës shtetërore të mallrave, me produktet esenciale për jetesë, në kohën kur ishim të pambrojtur, gjatë muajve shkurt dhe mars 2022”, kishte shkruar ajo në profilin e saj në “Facebook”, pasi kishte marrë njoftimin për aktakuzën.