Prokuroria Themelore në Pejë ka ngritur aktakuzë kundër një personi me inicialet A.M., i cili dyshohet për veprën penale “Falsifikimi i parasë”.
Sipas aktakuzës, ngjarja ka ndodhur në nëntor të vitit 2023 në Pejë, kur i pandehuri, duke e ditur se paraja ishte e falsifikuar, e vuri atë në qarkullim. Ai kishte një borxh ndaj të dëmtuarit S.Q. në shumën prej 21,500 euro, ndërsa fillimisht i ktheu 3,500 euro.
Për pjesën e mbetur, A.M. si garanci i dorëzoi të dëmtuarit shumën prej 9,000 dollarë amerikanë, të cilat më pas rezultuan të ishin të falsifikuara.
Prokuroria bën të ditur se, përveç aktakuzës, është kërkuar edhe dënimi i të pandehurit, konfiskimi i parave të falsifikuara si dhe kompensimi i dëmit ndaj të dëmtuarit.