Një prej kompanive më të njohura në vend, Al-Trade ka shënuar sot 25-vjetorin e themelimit me një ceremoni të veçantë në hollin e zyrave të saj qendrore.
Ky moment u përshkua nga ndarje mirënjohjesh dhe falënderimesh për kontributet e veçanta në shoqërinë shqiptare.
Një nga momentet kulmore të ngjarjes ishte ndarja e një mirënjohjeje për shkrimtarin e njohur Daut Demaku, si shenjë vlerësimi për ndikimin e tij frymëzues dhe rolin e tij në motivimin e brezave të rinj. Mirënjohjen e dorëzoi pronari i kompanisë, Sokol Gashani, i cili ndau fjalë të ngrohta për Demakun dhe rëndësinë e tij në arritjet personale dhe profesionale.
View this post on Instagram
“Për 25 vite kemi ecur me përkushtim dhe kemi ndërtuar jo vetëm biznese, por edhe një frymë bashkëpunimi dhe suksesi. Mirënjohja për Daut Demakun është një simbol i ndikimit të tij të jashtëzakonshëm. Ai ka qenë frymëzim për mua dhe shumë të tjerë, duke na ndihmuar të arrijmë më shumë. Shpresoj që rinia jonë të ndjekë këtë shembull dhe të frymëzohet nga fjalët e tij,” u shpreh Gashani.
Nga ana e tij, Demaku falënderoi kompaninë dhe ndau këtë nderim me bashkëpunëtorët dhe miqtë e tij të ndjerë.
“Al-Trade ka rikthyer vlerat e ndershmërisë dhe përkushtimit në çdo fushë ku operon. Tashmë, përmes zhvillimit të saj, jo vetëm në ndërtim, por edhe në 12 sektorë të tjerë, po bëhet shembull për të gjithë. Faleminderit që keni ndarë këtë moment me mua dhe miqtë tanë të përbashkët,” tha Demaku.
Aktualisht, Al-Trade është lider në shumë fusha, përfshirë ndërtimin, tregtinë me materiale ndërtimore, dhe shërbime të tjera, si pikat e Al Trade Market, shitjen e derivateve, institucionet parashkollore, barnatoret SaPharm, restorantet Barbary e ATC Grill dhe shumë shpejt brende të tjera të reja.
Pas ceremonisë, ngjarja u përmbyll me një koktej rasti për të festuar këtë përvjetor të rëndësishëm.
