Drejtoresha e Arsimit në Komunën e Gjakovës, Eranda Kumnova-Baçi, ka ngritur shqetësimin për dukurinë e armatosjes me lehtësi të nxënësve nëpër shkolla.
Duke sqaruar rrethanat e aksionit në shkollën “Hajdar Dushi” në Gjakovë, ku policia të martën gjeti te një i mitur një revole, ndërsa te disa të tjerë edhe një thikë, dhe disa fishekë, ajo tha se këto armë po blihen në internet, njofton Klankosova.tv
“Shqetësuese është blerja online e armëve të ftohta. Apeloj te prindërit të kenë një situatë më të kontrolluar te fëmijët”, tha ajo.