Kandidati i Lëvizjes Vetëvendosje për kryetar të komunës së Rahovecit, Ali Dula, është zyrtarizuar si pretendent serioz për drejtimin e komunës, duke sjellë me vete një profil të dalluar intelektual dhe profesional.
Në një deklaratë publike, Dula theksoi se është i përkushtuar për të sjellë ndryshimin që Rahoveci e meriton, duke u shprehur:
“Jam i gatshëm ta marr në dorë drejtimin e këtij qyteti me dije, përvojë dhe ndershmëri. Kam kapacitetet intelektuale dhe profesionale për ta udhëhequr Rahovecin me dinjitet.”
Ai gjithashtu është deklaruar për Rilindjen Shqiptare, duke theksuar se ideali i rilindësve shqiptarë është frymëzimi i tij politik dhe moral.
Ali Dula është arsimtar, studiues dhe veprimtar kulturor me një kontribut të gjatë në fushën e arsimit dhe të medias. Ai shihet si një figurë e re me potencial për të sfiduar status quo-në në Rahovec dhe për të kthyer besimin e qytetarëve në udhëheqjen komunale.
Me përkrahjen e strukturave të VV-së dhe me një program të orientuar drejt zhvillimit të arsimit, kulturës dhe ekonomisë lokale, kandidatura e tij pritet të ndezë garën politike në komunën e njohur për historinë dhe potencialin e saj.
https://www.facebook.com/watch/?v=1401015687866849