Ambasadori i Suedisë në Kosovë, Jonas Westerlund, ka vizituar familjen e Liridona Ademajt, e cila u vra të mërkurën e 29 nëntorit.
Westerlund me anë të një postimi në llogarinë e tij në platformën X, ka përshëndetur reagimin e shpejt të Policisë dhe Prokurorisë së Kosovës për sjelljen e të dyshuarve para drejtësisë.
“Sot në mëngjes vizitova familjen Ademaj në Rracaj për të përcjellë ngushëllimet e mia të përzemërta për vrasjen e tmerrshme të anëtarit të familjes së tyre Liridona, bashkëqytetare suedeze. Përshëndes reagimin e shpejtë të Policisë dhe Prokurorisë së Kosovës për sjelljen e të dyshuarve para drejtësisë”, shkroi Westerlund.
Kujtojmë se sot do të behet rivarrimi i Liridona Ademajt në fshatin e saj Rracaj, kjo pas kërkesës së familjes Ademaj tek organet e rendit që e aprovuan kërkesën e tyre.
Rivarrimi i të ndjerës bëhet sot nga ora 14:00.