Carlo Ancelotti nuk mund ta fshihte zhgënjimin e tij teksa shikonte skuadrën e tij Real Madrid duke humbur 4-0 në El Clasico nga Barcelona. Mysafirët dolën fitues në Santiago Bernabeu, duke dominuar ndeshjen pothuajse nga fillimi deri në fund.
Pas ndeshjes, Ancelotti ka marrë përgjegjësinë për këtë humbje të thellë, duke thënë se është faji i tij.
“Është e vështirë sepse është një el Clasico, për tifozët kur luajmë kundër Barçës… është një goditje, ne kemi humbur një betejë, ne ende kemi një avantazh dhe duhet të qëndrojmë të qetë dhe të kthejmë lojtarët tanë të lënduar”, u shpjegoi Ancelotti gazetarëve pas ndeshjes.
“Ne duhet ta harrojmë këtë ndeshje dhe të ecim përpara, ne kemi një epërsi të madhe (në La Liga). Unë, trajneri, kam faj për këtë humbje”, u shpreh trajneri i Real Madridit.