Los Angeles Lakers janë futur në një formë fantastike, pasi kanë marrë edhe fitoren e tretë radhazi dhe të tetën në 10 sfidat e fundit.
Skuadra nga Kalifornia ishte mysafirë i Washingtwon Wizards dhe arriti fitore me 11 pikë diferencë 119:130.
Fitorja e skuadrës mysafire në asnjë moment nuk ishte në rrezik pasi epërsia e tyre ishte e madhe gjatë gjithë ndeshjes, madje herë pas here shkonte deri në 29 pikë epërsi.
https://www.instagram.com/p/Clxe3d7M6Dy/?utm_source=ig_embed&ig_rid=ac433f43-cc2d-4413-a436-a5211836afe6
Anthony Davis ka bërë një paraqitje spektakolare ku e mbylli ndeshjen me 55 pikë, 17 kërcime e një asistim.
Paraqitje fantastike kishte edhe LeBron James pasi realizoi 29 pikë, kishte tetë kërcime e gjashtë asistime, derisa Walker shtoi 20 pikë të tjera.
Te vendasit më efikasi ishte qendra letoneze Kristaps Porzingis me 27 pikë e nëntë kërcime, por që nuk ishin të mjaftueshme për fitore.