Njohësi i çështjeve politike, Dritëro Arifi se me heqjen e barrikadave nga veriu i Kosovës janë krijuar kushtet që të rifillojë dialogu me Serbinë.
Në një prononcim për GazetaBlic, Arifi thotë se është koha që Qeveria e Kosovës të ketë fokus më të madh në një strategji për veriun dhe komunitetin serb në Kosovë.
Arifi është skeptik që të ketë marrëveshje finale Kosovë-Serbi në muajin mars.
Arifi tha se që kjo marrëveshje të arrihet gjatë muajit mars, është jashtëzakonisht e vështirë pasi siç thotë ai, SHBA-të dhe BE-ja nuk janë të qarta se çfarë marrëveshje duan.
“Dialogu duhet të rifillojë, por më shumë me BE-në dhe SHBA-në se si të arrihet deri tek ato të drejta pa e cenuar Kushtetutën. Marrëveshja finale është jashtëzakonisht e vështirë të arrihet deri në mars, sepse edhe perëndimi nuk po është i qartë se çka dëshirojnë nga marrëveshja finale. Dëshirojnë vetëm një pajtim të përkohshëm apo një pajtim gjithëpërfshirës, që i bie me njohje reciproke. Këtë gjë ende nuk e kemi të qartë”, tha Arifi