Policia shqiptare ka arrestuar në Rinas 35-vjeçarin nga Kosova i cili ishte shpallur në kërkim, pasi i njëjti po akuzohej nga autoritetet belge për vjedhje me dhunë.
Ky shtetas ishte shpallur në kërkim ndërkombëtar, pasi autoritetet belge i kanë caktuar masën e sigurisë “Arrest në burg”, për veprën penale “Vjedhja me dhunë”.
” Si rezultat i kontrolleve të detajuara në hyrje/dalje të RSH-së dhe në zbatim të masave të përcaktuara në planin operacional “Sundimi i ligjit”, u finalizua operacioni policor i koduar “Gate”, gjatë të cilit shërbimet e Komisariatit të Policisë Rinas ndaluan në dalje, shtetasin e shpallur në kërkim ndërkombëtar D. R., 35 vjeç” thuhet në njoftimin e policisë shqiptare.
Ndaj të njëjtit do vijojnë procedurat për ekstradimin e tij në Belgjikë.