Arsenali e ka regjistruar edhe humbjen e tretë radhazi në Premierligë duke e konfirmuar krizën e rezultatëvë në të cilën po kalojnë aktualisht.
“Topçinjtë” u mposhtën në udhëtim nga Southampton, në kuadër të javës së 33-të në Premierligë.
Goli i vetëm i ndeshjes erdhi në minutën e 44-të nga Bednarek.
Ndeshja më pas nuk prodhoi gola, me mysafirët që tentuan vazhdimisht, por pa sukses.
Kështu, Southampton tani shkon në kuotën e 39 pikëve në vendin e 12-të dhe pa ndonjë objektiv për të arritur.
Në anën tjetër, Arsenali zbret në vendin e gjashtë me 54 pikë, aq sa ka edhe Manchester United, por me një ndeshje më pak.
Rivali i Arsenalit, Tottenhami gjendet i katërti me 57 pikë, por me një ndeshje më shumë të zhvilluar.
