Kryeministri i Republikës së Shqipërisë, Edi Rama ka reaguar pas shumë kritikash që mori për propozimin e draft Statutit të Asociacionit të komunave me shumicë serbe.
Rama përmes një postimi në Twitter, ka thënë se ata që shajnë e akuzojnë pa e ditur përmbajtjen e propozimit të tij e kanë një frikë.
“Ata që shajnë e akuzojnë pa e ditur fare çka përmban draft-Statuti i Asociacionit kanë frikë vetëm nga një gjë: Se mos humbasin armikun që u krijon kushtin ekzistencial që të flasin dhe të sillen si në llogore, ndërkohë që lufta ka mbaruar në 1999 dhe armiku është mundur”, ka shkruar Rama.
Ata që shajnë e akuzojnë pa e ditur fare çka përmban draft-Statuti i Asociacionit kanë frikë vetëm nga një gjë: Se mos humbasin armikun që u krijon kushtin ekzistencial që të flasin dhe të sillen si në llogore, ndërkohë që lufta ka mbaruar në 1999 dhe armiku është mundur!
— Edi Rama (@ediramaal) June 9, 2023