Autobuset e trafikut urban në Prishtinë kanë marrë ngjyrën pink, duke filluar që tani, si përgatitje për Muajin Rozë, që shënon ndërgjegjësimin rreth shëndetit të grave dhe luftës kundër kancerit të gjirit.
Në autobus mund të shihet edhe mesazhi: “Në çdo hap e mbështesim njeri-tjetrin”, duke theksuar solidaritetin dhe mbështetjen për gratë që përballen me këtë sëmundje.
Ky veprim simbolik synon të tërheqë vëmendjen e qytetarëve dhe të rrisë ndërgjegjësimin për rëndësinë e kontrollit dhe mbështetjes së grave të prekura nga kjo sëmundje./Telenews.al./