Avokati i Ridvan Muharremit Mahmut Halimi ka thënë se policia e Kosovës e ka dërguar klientin e tij për intervistim në Prokurorinë Speciale. Halimi ka pohuar se nuk ka urdhërarrest për Muharremin, por ka vetëm urdhër për bastisje dhe se vetëm pas intervistomit do të dihet statusi i klientit të tij.
“Urdhër arrest nuk ka, ka urdhër për bastisje. Tash klientin tim e kanë dërguar direkt në Prokurorinë Speciale ku ka me dhanë një deklaratë dhe mandej vendoste se cfër do të jetë epilogu dhe status i tij”, ka thënë ai para medieve.
Ai ka treguar se bastisja ka të bëj më rezervat shtetërore.
“Ende nuk kemi as dyshime, me siguri se fjala është për lajmet e publikuara rreth importit të sasisë së grurit dhe vajit. Për këtë do të japim sqarime atje. Provat janë, kështu që gjithçka do të sqarohet”, ka thënë Halimi.