Qytetari i Kosovës, Abaz Beqiraj, është arrestuar para dy ditësh nga autoritetet serbe në kufirin Hungari-Serbi.
Ministria e punëve të Jashtme e Kosovës, nuk ka arritur ende të kuptoj arsyet e arrestimit të Beqirajt.
Në anën tjetër edhe avokati i tij, Arianit Koci ka thënë se as familja e Beqirajt, e as MPJ, nuk kanë asnjë informatë për arsyet e arrestimit.
“Familja e Beqiraj, nuk e ka asnjë informatë për arsyet e arrestimit. MPJ e Kosovës, poashtu, nuk ka arritur të siguroj asnjë informatë për rastin familja, deri tani, është dashur përmes rrugëve zyrtare, së paku ta kuptoj arsyen e arrestimit, nga zyrja e jonë në Beograd” shkroi Koci.
MPJ, ka reaguar gjatë ditës së djeshme ku thuhej se po presin informacione nga Zyra Ndërlidhëse, gjë e cila nuk ka ndodhur.