Komandanti i KFOR-it, Enrico Barduani, ka takuar sot në selinë e këtij misioni në Prishtinë, Sami-Antti Takamaa, zëvendësshef i Shtabit të Operacioneve Ushtarake të Finlandës.
Ata diskutuan për sigurinë afatgjate në Kosovë, situatën e stabilitetit rajonal dhe përpjekjet e KFOR-it në mbështetje të dialogut të lehtësuar nga BE-ja, njofton Klankosova.tv.
“Major General Barduani e përgëzoi Generalin Takamaa për kontributet e Finlandës në KFOR dhe stabilitetin rajonal. KFOR vazhdon të zbatojë mandatin e tij, i bazuar në Rezolutën 1244 të Këshillit të Sigurimit të OKB-së nga viti 1999, për të siguruar një mjedis të sigurt për të gjithë njerëzit dhe komunitetet në Kosovë, si dhe lirinë e lëvizjes, gjithmonë dhe pa paragjykime’, thuhet në njoftimin e KFOR-it në Facebook.
KFOR punon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si përgjigjës të sigurisë.
https://www.facebook.com/NATOKFOR/posts/986508863581247?ref=embed_post