Skuadra e Bashkimit ka arritur të kualifikohet në finalen e Superligës së Kosovës në basketboll, pasi mposhti Pejën me rezultat 84-78 në ndeshjen e katërt gjysmëfinale të “play-off”-it, duke përmbyllur serinë me tri fitore dhe një humbje.
Në një përballje të fortë dhe të balancuar për pjesën më të madhe të ndeshjes, Bashkimi tregoi më shumë qetësi dhe efikasitet në momentet vendimtare, veçanërisht në çerekun e fundit, ku ruajti epërsinë ndaj një Peje që luftoi deri në fund.
Falë kësaj fitoreje vendimtare, prizrenasit kalojnë në finalen e madhe, ku i pret Trepça, skuadra që tashmë është kualifikuar më herët.