Federata e Basketbollit e Kosovës ka njoftuar se biletat për ndeshjen ndaj Irlandës do të fillojnë të shitën nga dita e sotme.
Çmimi është 4 euro dhe dy euro nga çdo biletë e shitur do të shkojnë për fëmijët e SOS Fshat.
Kështu tifozët kanë mundësi të ndihmojnë basketbollistët e Kosovës me përkrahjen e tyre dhe fëmijët e SOS Fshat.
Lojtarët e Kosovës kanë nevojë më shumë se përkrahjen për të nisur kampanjën me fitore.
Sfida ndaj Irlandës zhvillohet më 22 shkurt nga ora 19:00 në Pallatin e Rinisë dhe Sportit në Prishtinë dhe është e vlefshme për Rrethin e Parë Parakualifikues për Kupën e Botës 2027.
Dardanët janë në grup edhe me Zvicrën dhe Azerbajxhanin. Takimi ndaj Azerbajxhanit zhvillohet më 25 shkurt në Baku.
Te Sheshi Zahir Pajaziti
E martë: 11:00-20:00
E mërkurë: 11:00-20:00
E enjte: 11:00- 19:00