Përfaqësuesja e Kosovës A në basketboll, sot ka mësuar kundërshtarët e saj në parakualifikimet për Kupën e Botës 2027.
Në shortin e hedhur sot në Mynih të Zvicrës, Kosova ishte në vazon e dytë të tërheqjes së bashku me Luksemburgun dhe Armeninë.
Në këto parakualifikime Kosova do të jetë pjesë e grupit A i cili përbëhet nga katër ekipe: Zvicra, Irlanda, Kosova dhe Azerbejgjani.
Kombëtaret do të luajnë me njëra-tjetrën në grupin e tyre në shtëpi dhe jashtë.
Raundi i parë parakualifikues i Kupës së Botës të Basketbollit FIBA 2027 do të luhet në tre dritare më 19-27 shkurt 2024, 18-26 nëntor 2024 dhe 17-25 shkurt 2025 me dy ditë lojërash në çdo dritare.
Të tre fituesit e grupeve së bashku me skuadrën e renditur më të mirë në vendin e dytë do të kalojnë në raundin e dytë parakualifikues të Kupës së Botës 2027 të FIBA-s, i cili do të luhet në verën e vitit 2025.