Sigal Prishtina pritet që të mos luajë ndeshjen për vendin e tretë në Ligën Unike.
Siç ka mësuar Telenews.al, klubi kryeqytetas sot është nisur për tu rikthyer në Kosovë dhe e gjithë kjo mësohet të ketë ndodhur në saje të pakënaqësive për referimin e mbrëmshëm në ndeshjen me Trepçën.
Të kujtojmë se Prishtina në 6 ditët e fundit ka zhvilluar plotë katër ndeshje dhe ka arritur tri fitore e një humbje, ku në duelin me AEL-in për Ligën Ballkanike, është lënduar njëri prej lojtarëve kryesorë, Derrick Wilson.
Ekipi bardhekaltër në ndeshjen për vendin e tretë në Ligën Unike ishte paraparë të luante ndaj Pejës dhe pikërisht ndaj tyre pritet të luajë gjatë ditëve në vijim edhe duelin vendimtar për vend të parë në Ligën Ballkanike.
Prishtina sivjet po e synon fitimin e titullit të Ligës Ballkanike dhe titullit e kampionit të Kosovës.