Dita e sotme sjellë përballjen e madhe finale të Ligës Unike në basketboll te meshkujt.
Pas ndeshjeve gjysmëfinale të zhvilluara dje, të cilat ishin spektakolare dhe tepër dramatike, sonte zhvillohet finalja e madhe mes dy super-skuadrave.
Golden Eagle Ylli dhe Peja do të ndeshen në ”Karagaç” për trofeun e çmuar të Ligës Unike.
Therandasit rrugën për finale e patën shumë të vështirë, duke mposhtur Teutën minimalisht 84-82, derisa njësoj fitoi edhe Peja ndaj Prizrenit 16 me vetëm 4 pikë avantazh 98-94.
Sfida e sontme finale luhet nga ora 20:30 dhe transmetohet direkt në ArtSport1. /AsistiOnline.com/