Trepça e ka fituar derbin e xhiros 27-të në elitën e basketbollit kosovar ndaj Golden Eagle Yllit.
Mitrovicasit triumfuan me përmbysje ndaj Golden Eagle Yllit 85-91.
Pjesa e parë e ndeshjes i takoi ekipit vendas që fitoi dy periodat e para (27-19, 28-26) dhe shkoi në pushim mes pjesëve me shifrat 55-45.
Në pjesën e dytë, Trepça përmbysi gjithçka duke i fituar dy periodat vendimtare (14-23, 16-23) dhe siguroi fitore madhore me përmbysje.
Erjon Kastrati ishte fantastik te Trepça sot, ndaj ish-ekipit me 18 pikë, gjersa u ndihmua edhe nga Drilon Hajrizi me 15, Ken Brown me 14 e Jamel Artis me 12 pikë.
Te Golden Eagle Ylli s’mjaftuan për fitore, Henrik Shirko me 23 pikë e Bashir Ahmed me 19 sosh.
Pas 27 xhirove, Ylli gjendet i 3-ti në tabelë me 19 fitore e 8 humbje, gjersa Trepça mbetet e 4-ta me 16 fitore e 11 humbje.
Në xhiron e fundit, Trepça e pret Vëllaznimin e Golden Eagle Ylli i shkon Bashkimit. /AsistiOnline.com/