Me humbje të thellë e kanë mbyllur duelin e tretë të Evropianit në Shkup, vashat e Kosovës U-20.
Ato janë mposhtur pak çaste më parë nga Mali i Zi me shifrat e thella 35-100.
Që nga fillimi e deri në fund, ekipi malazez e kishte kontrollin e ndeshjes, duke i fituar të gjitha periodat (6-25, 5-27, 15-24, 9-24) dhe në fund pa telashe arriti fitore.
Në fitoren e Malit të Zi sonte u dalluan, Jovana Savkovic me 15 pikë dhe Ksenija Scepanovic e Anastasija Drobnjak me nga 14 pikë.
Te Kosova, Agnesa Rrahmani kishte 8 pikë e Arba Hashani 7 sosh.
Pas tri ndeshjeve në këtë Evropian, Kosova ka bilanc prej 2 humbjeve e 1 fitore, derisa duelin e fundit të grupit e zhvillon pasnesër ndaj Rumanisë. /AsistiOnline.com/