Me përfundimin e ndeshjeve kthyese çerekfinale, dje janë përcaktuar edhe çiftet gjysmëfinale të Ligës Unike mes Shqipërisë dhe Kosovës në basketboll te meshkujt.
Në duelin e klubeve shqiptare, skuadra nga Durrësi, Teuta e mposhti Tiranën në të dyja ndeshjet dhe kaloi në gjysmëfinale ku do të ndeshet me ekipin e Golden Eagle Yllit.
Derisa në duelin e dytë çerekfinal, Rahoveci në sfidën kthyese arriti ta mposht skuadrën e Prizrenit 16, por jo mjaftueshëm dhe falë avantazhit pesë pikësh nga ndeshja e parë, Prizreni 16 kaloi tutje ku në gjysmëfinale do të ketë punë me KB Pejën.
Të kujtojmë se Ylli dhe Peja, janë kualifikuar direkt në gjysmëfinale.