Prokuroria e Specializuar e Hagës po kryen bastisje në shtëpinë e Bashkim Smakës, ish-këshilltarit të presidentit Hashim Thaçi dhe ish-shef i Agjencisë së Kosovës për Inteligjencë.
Një veturë e EULEX-it me mbishkrimin ZPS (Zyra e Prokurorit të Specializuar) ndodhet para dyerve të shtëpisë së Smakës.
LEXO EDHE:
Një aksion i gjerë i Prokurorisë së Specializuar po zhvillohet sot në rajonin e Prishtinës.
Siç raportoi Paparaci sot në mëngjes, aksioni është urdhëruar nga Gjykata Speciale në Hagë.
Operacioni i sotëm i Prokurorisë përfshiu edhe bastisjet në shtëpinë e Blerim Shalës, një tjetër ish-këshilltari të Hashim Thaçit.
Ish-presidenti Thaçi dhe katër ish-krerë të tjerë të Ushtrisë Çlirimtare të Kosovës akuzohen për krime lufte nga Prokuroria e Specializuar në Hagë. Bashkë me Thaçin, të akuzuar janë edhe Kadri Veseli, Rexhep Selimi dhe Jakup Krasniqi.
Aktakuza ndaj ish-krerëve të UÇK-së, lidhur me pretendimin për krime lufte, është konfirmuar më 26 tetor 2020. Në paraqitjet e tyre të para në Dhomat e Specializuara në Hagë ata janë deklaruar të pafajshëm. Ata po qëndrojnë në paraburgim në Hagë prej nëntorit të vitit 2020.