Beati e pranon: Po e shkela një rregull sa isha brenda BBVA

Kështu, fotografi i njohur ka rrëfyer mbrëmjen e sotme i ftuar në “Pardon My French” në Top Albania Radio se ka arritur të gjejë një metodë për të ditur orën brenda reality show-t, gjë që sigurisht nuk lejohet, megjithatë “sekreti” i tij nuk ka mbijetuar për një kohë të gjatë.

“Unë e dija që mikrovalat zakonisht kanë orë, por që ditën e parë që kam vajtur nuk e kishte opsionin orë edhe thashë e kanë hequr. Kur kaluan disa ditë që unë nuk kisha çfarë të bëja në mëngjes, e hapa dhe pashë dhe e gjeta opsionin e orës. Tani kishte një problem që nuk e dija se sa ishte ora, pastaj prita dy ditë të tjera që të vinte ‘Prime’ dhe në orën 21:00 kur filloi e vura. E kisha me gabim 15-20 minuta sepse nuk e dija fiks, por e kisha të paktën një orar. Për ditën e parë, pastaj ia thashë Luizit dhe Nitës më duket. problemi ishte që nuk ia thoja dot me zë dhe ia bëja me shenja derisa ato e kuptuan dhe ata . Por mesa duket e ka dëgjuar edhe dikush tjetër dhe ma ndryshuan pas tre ditësh.”- tregoi Beati, duke zbuluar kështu se ja ka arritur të lejë një shenjë brenda shtëpisë dhe ku i dihet, Luizi, Nita ose “spiuni” tjetër vazhdojnë e përdorin metodën e tij edhe tani.

Ndërkohë, sa i takon lojës dhe eksperiencës së tij ai u shpreh kështu: “Për mua ishte shumë qejf, jam kënaqur shumë, kam qeshur shumë aty brenda. Këtë presionin që thonë të gjithë nuk e kam ndierë, ndoshta edhe pse nuk jam bërë pjesë e debateve. Nuk u bëra pjesë e debateve sepse ato debate që bënin ishin për gjëra që kishin kaluar dhe gjëra para se të futesha unë”.

Pirro Beati përndryshe u largua nga shtëpia e Big Brother VIP Albania mbrëmjen e së shtunës kur u hap një televotim gjatë javës dhe të nominuar ishin vetëm banorët që kishin humbur lojën me litarë shkaku i Luizit.