Bërnabiq me deklarata të forta: "Nesër pres formimin e Asociacionit"

Kryeministrja e Serbisë, Ana Bërnabiq, ka thënë se e hëna e 27 shkurtit në Bruksel nuk do të jetë e lehtë për presidentin serb, Aleksandër Vuçiq. Ajo tha se pret një nënshkrim për formimin e Asociacionit të Komunave me shumicë serbe, shkruan Tanjug.

“Nëse Vuçiq do të donte të lejonte kapitullimin, nuk do të kishte bërë asgjë për çështjen e Kosovës deri më sot”, ka thënë Bërnabiq.

Ndryshe, Kryeministri i Kosovës, Albin Kurti dhe presidenti i Serbisë, Aleksandër Vuçiq, do të takohen më 27 shkurt në Bruksel në kuadër të dialogut, ku do të diskutojnë për propozimin e Bashkimit Evropian për normalizimin e raporteve.

Në faqen zyrtare të Zyrës për Politikë të Jashtme dhe Siguri, Josep Borell dhe Miroslav Lajçak, është bërë e ditur se fillimisht do të zhvillojnë takime të ndara me Kurtin e Vuçiqin.

Këto takime do të fillojnë në orën 15:00 dhe më pas do të ketë një takim të përbashkët.

“Në takim do të diskutohet për propozimin e BE-së për normalizim të raporteve në mes të Kosovës dhe Serbisë”, thuhet në njoftim.

Ndërsa, në orën 16:15 Borrell pritet të zhvillojë takim me presidentin serb, Aleksandar Vuçiq.

Pas takimeve të ndara, në orën 17:15 Josep Borrell do të zhvillojë takim të përbashkët me kryeministrin Albin Kurti dhe presidentin serb, Aleksandar Vuçiq.

Pas takimeve, Borrell pritet të mbajë deklaratë për shtyp.

Pjesëmarrjen në takim e kanë konfirmuar edhe Kurti edhe Vuçiq.

Ndryshe, përfaqësuesi i lartë i Bashkimit Evropian për Punë të Jashtme dhe Politikë të Sigurisë, Josep Borrell, ka thënë se shpreson që Kosova dhe Serbia të pranojnë propozimin evropian, si rrugë për normalizim të marrëdhënieve.

Bërnabiq me deklarata të forta: “Nesër pres formimin e Asociacionit”

Loredana del në mbështetje të protestës për ish-krerët e UÇK-së –

Elvana Gjata mbështet protestën e 1 tetorit në Prishtinë kundër vendimit të Hagës –

Çitaku i reagon ashpër ambasadorit britanik: As s’e keni lexuar aktakuzën, mos na qitni hi syve –

Shifra marramendëse, zbulohet paga vjetore e Zhegrovës te Juventusi –

Ndryshon dëshminë infermierja për vdekjen e Mazonakis, zbulon çfarë ndodhi në klinikë –

Thaçi, Veseli, Krasniqi e Selimi shpallen “Qytetarë Nderi” të Tiranës –

Rusia fillon mobilizimin, Zelenskyy: Koreja e Veriut do dërgojë 10 mijë trupa shtesë

Të ngajshme