Kandidati për kryetar komune nga radhët e Lidhjes Demokratike të Kosovës (LDK), Besnik Osmani, ka zhvilluar një takim me qytetarët në restorantin “Kopshti”.
Në këtë takim morën pjesë edhe kryetari i degës së PDK-së, z. Tërnava, deputeti Fadil Hadergjonaj dhe Nuredin Ibishi – Komandant Leka.
Takimi u karakterizua nga një atmosferë e ngrohtë dhe bisedë e hapur me qytetarët, të cilët ndanë mendimet dhe shqetësimet e tyre lidhur me zhvillimin e komunës.
Besnik Osmani theksoi rëndësinë e bashkëpunimit të vazhdueshëm me qytetarët dhe u shpreh se vizioni i tij për qeverisjen lokale bazohet në dëgjim, transparencë dhe rezultate konkrete në terren.