Disenjatorja e njohur kosovare, Blerina Kllokoqi-Rugova, sot shënon një nga ditët më të veçanta në jetën e saj — 40-vjetorin e lindjes.
E njohur për stilin e saj unik dhe prezencën gjithmonë elegante, Blerina e ka festuar këtë ditë me pozitivitet dhe autoironi, duke ndarë me ndjekësit një mesazh të ngrohtë e plot humor në Instagram.
“Zyrtarisht 4 dekada jetë … edhe hala se kam kuptu qysh funksionon jeta. Ama, të paktën dukna ma mirë se në të 20-tat. Faleminderit që ma kujtoni çdo ditë që s’jam plak … veç jam e “rujtun” mirë!”, ka shkruar ajo, duke e shoqëruar me një fotografi ku rrezaton vetëbesim dhe buzëqeshje.
Në postimin e saj, Blerina duket më në formë se kurrë, duke i bërë ndjekësit të mendojnë se ajo ka ndalur kohën, ndërsa eleganca dhe freskia që reflekton, shpesh krahasohet me një 20-vjeçare.
Ndër vite, Blerina është shquar si një nga figurat më të rëndësishme në skenën e modës në Kosovë, duke ndikuar me stilin e saj në shumë gra dhe vajza, si dhe duke sjellë vepra kreative që kanë kaluar kufijtë e vendit.
Urimet për ditëlindje kanë vërshuar nga kolegë, miq dhe ndjekës të shumtë, të cilët i kanë uruar shëndet, suksese dhe shumë vite të tjera të bukura — me stil, ashtu siç vetëm ajo di ta bëjë. /Telegrafi/
