Politikani serb, Boban Bogdanoviq, i njohur dikur si një “aleat” i ngushtë i Kryeministrit të Kosovës, Albin Kurti, dhe i përkrahur masivisht nga Lëvizja Vetëvendosje, ka bërë një deklaratë të bujshme, duke pretenduar se ka marrë informacione për një plan të përbashkët mes Kurtit dhe Presidentit serb, Aleksandar Vuçiq.
Sipas Bogdanoviqit, të dy liderët po planifikojnë organizimin e një incidenti të ri, me dy objektiva kryesorë.
Ai ka thënë se qëllimi i këtij incidenti të mundshëm është të zhvendoset vëmendja nga protestat e studentëve që po zhvillohen aktualisht në Serbi dhe, në të njëjtën kohë, të ndihmohet rritja e rejtingut politik të Lëvizjes Vetëvendosje në Kosovë, që sipas tij, ka rënë nën 30%.
