Do të zhvillohen sot katër ndeshjet jashtëzakonisht interesante për fazën e play-off-it të Kampionatit Botëror “Katari 2022”.
Në fakt, në planprogram janë gjashtë ndeshje, por dy prej tyre nuk do të zhvillohen. E para që është anuluar ajo ndërmjet Rusisë dhe Polonisë, me kombëtaren polake që ka vazhduar në fazën tjetër automatikisht pas përjashtimit të Rusisë nga të gjitha evenimentet sportive të FIFA-së dhe UEFA-së pas nisjes së pushtimit ndaj Ukrainës
Sfida tjetër e cila nuk do të zhvillohet sot por që është shtyrë për një afat të pacaktuar është ajo ndërmjet Skocisë dhe Ukrainës.
Italia do të ballafaqohet me Maqedoninë e Veriut, Portugalia me Turkinë, Suedia me Republikën e Çekisë dhe Uellsi me Austrinë.
Që të katër ndeshjet fillojnë nga ora 20:45.