Një grua që humbi telefonin e saj në det mbeti e shtangur pasi pajisja doli në breg dhe një i huaj e gjurmoi atë duke përdorur kartat e saj të kreditit – më shumë se një vit më vonë.
Siç bëhet e ditur, 39-vjeçares, Clare Atfield i ra iPhone-i 8+ derisa po notonte me dërrasë sërfi me shkop në brigjet e qytetit të saj të lindjes, Havant, Hampshire të Anglisë, transmeton Telegrafi.
Ajo ra nga dërrasa e saj më 4 gusht 2021 – dhe telefoni u fundos nën valë, me sa duket për të mos u parë më kurrë.
Telefoni ishte i vendosur në një çantë telefoni që ishte ‘waterproof’ – dhe tani në mënyrë të jashtëzakonshme Clare e ka në duart e saj.
Siç raportohet, telefoni i saj u rishfaq në plazhin e Eastney aty pranë, plotësisht i padëmtuar 460 ditë më vonë, më 7 nëntor të këtij viti – dhe u gjet nga një shëtitës lokal qensh.
Ai arriti ta gjurmonte Clare dhe tani kjo e fundit i ka kthyer fotot e saj celulare dhe të çmuara.
Personi e gjeti gruan duke përdorur karta të vjetra krediti dhe bankare që ishin në qese – me të dhënat e kontaktit të nënës së saj në një kartë mjekësore.
“Është çmenduri që telefoni funksiononte ende, por funksionon në mënyrë perfektë”, tha Claire, e cila që atëherë ka blerë telefon të ri.
“Në fakt, as që kishte udhëtuar aq larg”.