Telenews

BRUNO FERNANDES SHUAJTI ËNDRRAT E MAQEDONASVE PËR BOTËROR

Kanë përfunduar dy ndeshjet kualifikuese drejt Kampionatit Botëror “Katar 2022”, ku kemi mësuar edhe dy kombëtare të tjera që kanë siguruar biletat.

Pas plot 90’ minutave lojë të zhvilluara, Kombëtarja e Polonisë e ka eliminuar Suedinë, duke e mposhtur si vendase me rezultat solid 2:0.

Ndërkaq, krahas këtij takimi u zhvillua edhe përballja tejet interesante mes Kombëtares së Portugalisë dhe asaj të Maqedonisë së Veriut, në të cilën vendasit shuan ëndrrat e Enis Bardhit, Arijan Ademit, Ezgjan Alioskit dhe Visar Musliut për “Botëror”.
Portugalia ka shënuar fitore solide me rezultat 2:0 kundër Maqedonisë së Veriut, kështu duke siguruar biletën e radhës drejt Katarit.
Heroi i vendasve ishte mesfushori i Manchester United Bruno Fernandes, i cili shënoi dy gola në ndeshjen e sotme, fillimisht në minutën e 32’ për 1:0 dhe më pas në minutën e 65’ për rezultatin final 2:0.
Rezultatet e dy ndeshjeve të sotme për kualifikueset drejt Botërorit “Katar 2022” i gjeni më poshtë.
Polonia 2:0 Suedia.
Portugalia 2:0 Maqedonia e Veriut.]
 

Të ngajshme

Dardanët me atmosferë të mirë nisin përgatitjet për dy ndeshjet e këtij muaji

Donat Hashani

Basketboll / Prishtina mposhtet dhe eliminohet nga gara ndërkombëtare ENBL

Donat Hashani

Kosova fiton dy medalje në Kupën e Botës në boks

Albiona Ibishi