Një çift bashkëshortor janë përleshur mes vete gjatë ditës së djeshme në Istog.
Policia e Kosovës njofton se rasti ka ndodhur pas një mosmarrëveshje mes tyre. Që të dy kanë pësuar lëndime trupore dhe janë dërguar për trajtim mjekësor.
“Janë shoqëruar në stacionin policor dy të dyshuar një femër dhe një mashkull kosovarë, qift bashkëshortor, pasi që të njëjtit pas një mosmarrëveshje janë përleshur në mes vete. Të dyshuarit i kanë shkaktuar lëndime të lehta trupore njëri-tjetrit dhe janë dërguar në tretman mjekësor. Me vendim të prokurorit pas intervistimit të dyshuarit janë liruar në procedurë të rregullt”, thuhet në raportin 24 orësh të Policisë së Kosovës.