Partia Socialdemokrate e Dardan Molliqajt është rikthyer me aksionet opozitare pas zhvillimeve dhe marrëveshjes së Ohrit. Sot në një prej rrethrrotullimeve të Prishtinës e kanë vendosur një fotografi të madhe të kryeministrit Albin Kurti duke e ilustruar atë me një hund të gjatë.
Ndërkohë pasdite kanë organizuar edhe një aksion ku cak ka qenë zv.kryeministri Besnik Bislimi të cilin e kanë gjuajtur me tortë dhe “milk-shake”.
“Përhajr, urime e gzofshi”, dëgjohet teksa i thotë një prej aktivistëve Bislimit.
Siç ka treguar vetë Molliqaj ky aksion është bërë për shkak të marrëveshjes së Ohrit ku Kosova ka pranuar të themelojë Asociacionin.