Në mesnatë u nis e në mesnatë mbaroi.Greva 10 ditore e minatorëve të minierës së Stantërgut, u ndërpre në orët e para të mëngjesit të së premtes.
Për t’u arritur marrëveshje mes anëtarëve të bordit të Trepçës dhe qindra grevistëve u deshën dhjetëra orë negociata.
Sikur në filma: Policia publikon videon e përleshjes me hajnat në “Hib Petrol”
Në fund, minatorët ranë dakord për plotësim të pjesshëm të kërkesave të tyre.Kërkesa që pagat të dalin nga data 6 deri 10 të muajit, u pranua.Derisa, kërkesa e grevistëve për shkarkim të menjëhershëm të u.d. të kryeshefit, Enis Abdurrahmani, nuk u pranua ashtu siç u kërkua.
Ata ranë dakord që Abdurrahmani ta mbajë këtë detyrë edhe për gjashtë muajt e ardhshëm, deri në shpalljen e konkursit të ri për kryeshef.
E një kërkesë e re u shfaq nga minatorët grevistë.Ata kërkuan që mos të ketë suspendim të asnjë minatori për grevën që e mbajtën.Por, çka ndodhi përgjatë 10 ditëve grevë.
Qëndrimi në kushte të rënda dhe pa ushqim, bëri që gjendja shëndetësore e tyre të përkeqësohet.300 grevistë besohet se morën trajtim mjekësor përgjatë kësaj periudhe.Bile, kishte nga ata që në perimetrin e 10 të minierës, 700 metra nën tokë, pësuan edhe sulm në zemër.E të tjerë u bartën nën kushte të rënda për t’u mundësuar dhënia e ndihmës mjekësore.
Derisa puna është kthyer normalisht, nga menaxhmenti i kësaj ndërmarrje nuk kanë dhënë qëndrime tash e 10 ditë për gjithçka që ndodhi me grevën e punëtorëve të Trepçës.
Ndërkohë, Sindikata e Pavarur e Minatorëve të Trepçës ka shprehur falënderim dhe mirënjohje ndaj atyre që i mbështeten gjatë kohës së grevës.
Sipas kësaj sindikate, greva zgjati shumë, minatorët nuk u dorëzuan dhe shpresa për ditë më të mira u kthye. Por, siç thuhet në reagimin e kësaj sindikate, minatorët nuk do të harrojnë asgjë./Telenews/